မြေကြီး

အတိတ်စိမ်း

ရင်ခုန်သံတွေကို
ထုဆစ်လို့မရဘူး
အရိုးတွန်သံတွေဟာ
သင်တို့အား
နာပျော်ဖွယ်တေးသွားတပုဒ်
ဖျော်ဖြေနေတာမဟုတ်
တော်လှန်ဖို့အသင်အနေအထား
သတိပေးအချက်ပြနေတာ
သမိုင်းကြွေးရဲ့ အမိန့်နဲ့
နှလုံးသားနဲ့ နာခံလော့ ။။

ထလော့ ကြွလော့
သင့်ကိုယ်သင်
အသိစိတ်နဲ့အမိန့်ပေးလိုက်ပါ
ရဲသော်မသေ
သေသော်ငရဲမလား
သင့်ရှေ့ကရောက်နှင့်နေတဲ့
ခွပ်ဒေါင်းနတ်သမီးများ
ဆီးကါကြိုနေလိမ့်မယ် ။။

ထုခတ်ခံထားရတဲ့
သင်တို့ရဲ့လွတ်လပ်ခွင့်တွေကို
သင်တို့ကိုယ်တိုင်
ရိုက်ချိုးမှ ရလိမ့်မယ်
ကမ္ဘာမြေအနှံ
ခွပ်ဒေါင်းအရိုးတွေ တွန်နေပြီ

တုတ်နှောင်မရတဲ့
ခွပ်ဒေါင်းဝိဥာဉ်တွေ
သင်တို့ထံသို့
ပူးကပ်ဖို့လာချေပြီ
အတ္တတွေကို ဇကါစစ်ချ
အသေသတ် ပစ်လိုက်ပါ

ထလော့ ကြွလော့
အသင်တို့
အတိတ် တဘောင်
နမိတ်ဆောင်တဲ့
နှစ်ဆယ်ကို တစ်ဆယ်တိုး
ကြံဖွတ် အသေဆိုး မယ့်နှစ် ။။

မြေကြီး

နောင်ဘဝ

မွေးဖွါးခြင်း
သေဆုံးခြင်း
အလယ်မှာ
ရှင်သန်ခြင်းက
ရပ်တည်နေ
(သို့)
ရွေ့လျားနေ

အစရှိရင်
အဆုံးရှိမယ်
မွေးဖွါးခြင်းရှိရင်
သေဆုံးခြင်းကရှိနေတယ်
အစရှိပြီး
အဆုံးမရှိတာ
ရှိနေရော့ ..လား
စ ..လယ် ..အဆုံး
နိဂုံးမသတ်နိူင်တာ
အာဏါရှင်ဖြစ်နေရော့..လား
ဒါ မှ မဟုတ်
ရှင်သန်ထမြောက်နေတာလား

လူသေလို့
လူပြန်ဖြစ်လား
အတိတ် ..ပစ္စုပ္ဂန် ..အနာဂတ်
အတိတ် ဘဝ
ပစ္စုပ္ဂန် ဘဝ
အနာဂတ် (သို့) နောင် ဘဝ
လူသေ လူပြန်ဖြစ်လို့
နောင် ဘဝဆိုတာများ
ရှိခဲ့ရင်
ဗမာပြည်မှာ လူပြန်မဖြစ်ဖို့
ပြင်ဆင်ရဦးမယ်
အာဏါရှင်အောက်က
ခေတ်သစ်ကျွန် မဖြစ်ချင်လို့

နောင် ဘဝ မှာ
နောင်မှ မ..တ ချင်လို့
နောင်ဘဝ ဆိုတာများ ရှိခဲ့ရင်
အာဏါရှင် လက်သစ်ရဲ့
ခေတ်သစ်ကျွန် လက်သစ်လေး
မဖြစ်ရစေလိုသား ။။။
(( မှတ်ချက်။။ သေခါနီး ဗမာပြည်ကို မစွဲလမ်းလေနဲ့ ))

မြေကြီး

Post By :MyaeGyi , 5 Nov 2010
ဘလော့လိပ်စာပြောင်းသွားပါသဖြင့်
http://myaegyiup.blogspot.com သို့အလည်လာကြပါရန်
ဖိတ်မန္တက ပြုပါသည် ။

ဘလော့လိပ်စာပြောင်းသွားပါသဖြင့်
http://myaegyiup.blogspot.com သို့ အလည် လာကြပါရန်

ကြက်ခြေခတ်လိုက်ပါ

တစ်နေရာတော့ ချန်ထားပေးပါ
ရွေးချယ်စရာ ရွေးချယ်ခွင့် ရှိခဲ့ရင်
အနောက်က  နေထွက်လာမဲ့
နေ့ရက်တွေ  ရှိနိူင်ဦးမလား
ဆန့်ကျင်ဘက်တွေ လွှမ်းခြုံထားတဲ့
ကါလတွေ ရှည်ကြာ နေဦးမယ်
တံခါးခေါက်သံတွေ  ကျယ်လောင်နေပြီ

တခါကဆိုတဲ့ ဉာဉ်လေးကို မေ့ထားပေးပါ
နှလုံးသားက    တပ်လှန့်သံတွေ
ပေတစ်ရာပေါ်   ပြန့်ကျဲနေပြီ
ဒီ ဝဋ်ကြွေးတွေ
သံသရာ တဆုံး  မသယ်ချင်တော့လို့
ကိုယ့်ဘဝကို ခဏလောက်
ကြက်ခြေခတ်လိုက်ပါ
မျက်ရည်တွေ တမံ တုတ်လိုက်စို့

ခဏလောက်ဆိုတဲ့
အငှါးစကါးလေးတခွန်းနဲ့
ပြန်ပေးဖို့ မေ့လျှော့နေတော့
တောင်းသူအပြစ်  ဖြစ်စမြဲပါ
ခဏလောက်
နေရာပေးမိပါတယ်
နောင်ဘဝထိ
သယ်သွားမယ့်သူမျိုးကို
ပေးမိမှားလေတော့
ရေစက်ချအမျှဝေရုံပဲ
ဒီတခါဆိုရင်တော့
ကြက်ခြေခတ်လိုက်ပါ ။။။

မြေကြီး
Post By:Myaegyi Aug 26  2010ိ

လားရာမဲ့သို့

ကံကြမ္မာကို ကျောပေးထားသူလား
ကံကြမ္မာကို စားသုံးအသက်ရှင်သူလား
ကံကြမ္မာကို ကျောခင်းတံတားထိုးသူလား
ကံကြမ္မာကို အလောင်းအစားလုပ်သူလား
ကံကြမ္မာကို ပွဲစားလုပ်သူလား ..

ကိုယ့်အရိပ်နဲ့ကိုယ့်ကို
အခါခါ ခြောက်လှန့်နေ
ကိုယ့်စိတ်နဲ့ကိုယ်ဟာ
အခါခါ ကျဆုံးနေ
လဲပြိုနေတဲ့
စိတ်ဓါတ်မြို့ပျက်ကြီးထဲ
အခါခါ ချော်လဲခဲ့ရ
နေသားမကျဖြစ်နေတဲ့
အမှုအကျင့်တွေကို
ရှောင်တိမ်းလို့မရတဲ့အဆုံး
ကိုယ့်ဒူးကို ကိုယ်ကိုတိုင်
သံပတ်ပေးခဲ့ရ ..

အမှောင်ဆိုတာ မမြင်ရခြင်း
သန်းခေါင်ယံညဉ်နက်နဲ့အတူ
ထပျံခဲ့ရတဲ့
ဝိညဉ်တခုကို
လမ်းပြအဖေါ်ယူရင်း
မြင်ရသူထက်
မမြင်ရသူက
စိတ်အချရဆုံးမို့
ရုပ်ဝထ္တုတွေဟာကိုယ့်ကို
ဒုက္ခရောက်စေတယ်ဆိုတာ
နားလည်ခဲ့ရ ...

ရှိတာတွေကိုမလိုချင်ကြ
မရှိတာကိုမှ
တပ်မက်ဝါးမျိုချင်
ဖြစ်တည်ခြင်းဟာ
ပျက်သုန်းမှု့အတွက်
ရင်းနှီးမြှုပ်နှံမှု့ဆိုရင်
ငါတို့အားလုံးဟာ
ပုံသဏ္ဍန်မတူတဲ့
ရင်းနှီးမြှုမ်နှံမှု့ကို
ကိုယ်စီလုပ်နေကြတာပါ ..

ကေါက်နေတဲ့မျဉ်းတကြောင်း
ဖြေင့်ချင်ရင်တော့
ဖျက်ရာတော့ရှိစမြဲ
စိတ်ရဲ့အင်အားကေါင်းချင်ရင်
စိတ်ဓါတ်ကို
အဖြောင့်တိုင်းကျင့်ပါလေ ။။

မြေကြီး
Post By: myaegyi  Aug 24 2010ဲ